ޢަލީ ޝަނީޒް ވ. ޕްރޮސިކިއުޓަރ ޖެނެރަލްގެ އޮފީސް

ކްރިމިނަލް ކޯޓުން، ތުހުމަތުކުރެވޭ މައްސަލައަށް ބަލައި މުޖުތަމަޢުގެ ސަލާމަތާއި ރައްކާތެރިކަމަށްޓަކައި، 10 ދުވަހަށް މިނިސްޓްރީ އޮފް ހޯމް އެފެއާޒުން ކަނޑައަޅާ ތަނެއްގައި ބަންދުކުރުމަށް އަމުރުކުރިއެވެ.

ރަހީނުކުރުން، ތޫނު ހަތިޔާރުން ބިރުދެއްކުން، ޖަމާޢަތް ހަދައިގެން ފޭރުން އަދި ހުއްދަ ނެތް ތަނަކަށް ވަނުމުގެ ތުހުމަތުގައި ކްރިމިނަލް ކޯޓުގެ ހައްޔަރުކުރުމުގެ އަމުރެއްގެ ދަށުން ހައްޔަރުކުރެވުނު ފަރާތެއްގެ ބަންދު އިތުރުކުރަން ފުލުހުން އެދުނެވެ. ހައްޔަރުކުރެވުނު ވަގުތު ޤާނޫނީ ވަކީލެއްގެ އެހީ ހޯދުމުގެ ޙައްޤު އަންގާފައިވެއެވެ.

އިސްތިއުނާފުކުރި ފަރާތުން ބުނީ ހައްޔަރުކުރީ ޤާނޫނުއަސާސީގެ 46 ވަނަ މާއްދާއާ ޚިލާފަށް ކަމަށްވާތީ، އަދި 16 (ރ)، 48 (ށ)، 48 (ރ)، 53 (ހ) އާ ޚިލާފު އިޖުރާއަތެއްގެ މައްޗަށް ކަމަށްވާތީ، ޣައިރު ޤާނޫނީ ހައްޔަރެއްގެ މައްޗަށް ބިނާކޮށް ބަންދުގައި ބަހައްޓަން ނިންމި ނިންމުމަކީ ސައްޙަ ނިންމުމެއް ނޫން ކަމަށެވެ.

ހައްޔަރުކުރުމަކީ ޤާނޫނުއަސާސީގެ 46 ވަނަ މާއްދާއާ ޚިލާފު ޣައިރު ޤާނޫނީ ހައްޔަރެއް ކަމަށްވާތީ، އޭގެ މައްޗަށް ބިނާކޮށް 10 ދުވަހަށް ބަންދުގައި ބަހައްޓަން ކްރިމިނަލް ކޯޓުން ނެރުނު އަމުރު ބާޠިލުވާނެތޯ.

އިސްތިއުނާފު ބާޠިލް، ދަށުކޯޓުގެ އަމުރު ޤާއިމް

ހައްޔަރުކުރެވުނީ ކޯޓު އަމުރެއްގެ ދަށުން ކަމާއި ވަކީލެއްގެ ޙައްޤު އަންގާފައިވާތީ ހައްޔަރުކުރުމުގެ އިޖުރާއަތުގައި ޤާނޫނީ ގޮތުން ސައްޙަނޫން ގޮތަކަށް ޢަމަލުކުރިކަމަށް ނުބެލެވޭތީ، އަމުރު ބާޠިލުކުރަން ސަބަބެއް ނެތެވެ.