ޢަލީ މޫސާ ވ. މުޙައްމަދު ފާރޫޤު

ސިވިލް ކޯޓުން، ދަޢުވާ ލިބޭ ފަރާތުގެ އިޢުތިރާފުން ދިވެހިން ލިޔެފައިވާ 8 ޗެކުގެ 306,350 ރުފިޔާ ދައްކަންޖެހޭކަން ޘާބިތުވާކަމަށާއި، އިތުރު ތަސަލްސުލް ޤަރީނާ ނެތުމުން ބާކީ 25 ޗެކުގެ ފައިސާ ނަގައިދެވެން ނެތްކަމަށް ޙުކުމްކުރި.

ވިޔަފާރި ހިންގުމަށް ފައިސާ ބޭނުންވާ ކަމަށް ބުނެ ޗެކުތައް ދީ އެކި ފަހަރު މަތިން ނެގި 1,653,265 ރުފިޔާ ދައްކާތީ، ދީފައިވާ 33 ޗެކު ބައުންސްވުމުން، ފައިސާ ހޯދުމަށް ސިވިލް ކޯޓުގައި ދަޢުވާކުރެވުނެވެ. ދަޢުވާ ލިބޭ ފަރާތުން ބުނީ ދިވެހިން ލިޔެފައިވާ ޗެކުތައް ފިޔަވައި އެހެން ޗެކުތަކަކީ ގެއްލިފައިވާ ޗެކުތައް ކަމަށެވެ.

އިސްތިއުނާފުކުރި ފަރާތުން ބުނީ، ފަނޑިޔާރުންގެ ޤާނޫނުގެ 5 ވަނަ މާއްދާގެ (ށ) ގެ 1 އަދި 2 ވަނަ ނަންބަރުގައިވާ ކަންކަމަށް ފުރިހަމައަށް ރިޢާޔަތްކުރެވިފައި ނުވާ ކަމަށެވެ.

ބައުންސްވި 33 ޗެކުގެ ފައިސާ ހޯދުމުގެ ދަޢުވާގައި 8 ޗެކުގެ ފައިސާ ދައްކަން ސިވިލް ކޯޓުން ކުރި ޙުކުމް ފަނޑިޔާރުންގެ ޤާނޫނުގެ 5 ވަނަ މާއްދާގެ (ށ) އާ ޚިލާފުވޭތޯ، އަދި ހަމަ އެ ޙުކުމާ ގުޅިގެން ހައިކޯޓުގެ އެހެން ޤަޟިއްޔާއެއްގައި ނިންމުމަށްފަހު މި އިސްތިއުނާފުގައި އިތުރު ގޮތެއް ކަނޑައެޅެން އޮތްތޯ.

އިތުރު ގޮތެއް ކަނޑައަޅާނެ ތަނެއް ނެތް (ހައިކޯޓުގެ 2016/HC-A/130 ގައި ފުރިހަމަ ދަޢުވާ ޘާބިތުކޮށް ނިންމާފައިވާތީ)

ޤާނޫނީ ޝަކުލިއްޔާތު ފުރިހަމަވާ 33 ޗެކަކީ 1,653,265 ރުފިޔާ ދައްކަންޖެހޭކަން ދަލާލާތުކޮށްދޭ ހަރުދަނާ ހެއްކެއްކަމަށް ބަލައި، މުޅި ފައިސާ ދެއްކުމަށް 2016/HC-A/130 ގައި ހައިކޯޓުން ޙުކުމްކޮށްފައިވާތީ، މި ޤަޟިއްޔާގައި އިތުރު ގޮތެއް ކަނޑައަޅާނެ ތަނެއް ނެތް.