ޢަލީ ޙުސައިން ވ. ޕްރޮސިކިއުޓަރ ޖެނެރަލް

މާފަރު މެޖިސްޓްރޭޓް ކޯޓުން ނިންމީ، ހެކިހާމަކުރުމުގެ މަރުޙަލާ ނިމުމުން ދެފަރާތަށް ދެވޭ އެންމެ ދިގު މުއްދަތު ދިނުމަށްފަހު އެ މުއްދަތު ފާއިތުވެފައިވާތީ، މައްސަލަ ކުރިއަށް ގެންދެވޭނެ ކަމަށް ނިންމުމަށްފަހު އިތުރަށް އެ ފުރުޞަތު ނުދިނުމަށެވެ.

ކުޑަކުއްޖެއްގެ ހަށިގަނޑުގައި ޖިންސީ ނިޔަތެއްގައި އަތްލުމުގެ ދަޢުވާއެއްގައި، ހެކިހާމަކުރުމުގެ މަރުޙަލާ ނިމުމުން ދިން މުއްދަތުގެ ފަހުން ދިފާޢުން ޝަރީޢަތުގެ ކުރިން ހުށަހަޅާ ހުށަހެޅުމުގެ ފުރުޞަތަށް އެދުނެވެ.

ދަޢުވާ ލިބޭ ފަރާތް ބުނީ ދަޢުވާއިގެން ކުރިއަށްދާނެ ތަނެއް އޮތް ކަމަށް ނިންމުމަށްފަހު ފުރުޞަތު ދޭންޖެހޭނަމަވެސް އެ ފުރުޞަތު ބަންދުކުރީ ކަމަށާއި، ފަނޑިޔާރު ދައުލަތަށް ބުރަވީ ކަމަށެވެ. ދައުލަތުން ބުނީ ދިން މުއްދަތު ފާއިތުވުމަށްފަހު ފުރުޞަތު ނުދެވޭނެ ކަމަށެވެ.

ޖިނާއީ މައްސަލައެއްގައި ދަޢުވާއިގެން ކުރިއަށްދާނެ ތަނެއް އޮތް ކަމަށް ފަނޑިޔާރު ނިންމުމުގެ ކުރިން ހެކިހާމަކުރުމުގެ މަރުޙަލާގައި ދިން މުއްދަތު ފާއިތުވީ ކަމަށް ބުނެ، ޝަރީޢަތުގެ ކުރިން ހުށަހަޅާ ހުށަހެޅުންތައް ހުށަހެޅުމުގެ ފުރުޞަތު ދަޢުވާ ލިބޭ ފަރާތަށް ނުދިނުން ޤާނޫނާ އެއްގޮތްތޯ؛ އަދި އެ ފުރުޞަތު ދޭންވީ ކޮން ވަގުތަކުތޯ.

ދަށުކޯޓުގެ ނިންމުން ޤާނޫނާ ޚިލާފު؛ ޝަރީޢަތްކުރާނެ ތަނެއް އޮތްކަން ކަނޑައެޅުމަށްފަހު ފުރުޞަތު ދޭންޖެހޭ ކަމަށް ނިންމި

ޤާނޫނުގެ ދެ މާއްދާ އެކުގައި ބަލާއިރު، ފަރާތަކުން ނޭދޭ ހިނދު ޝަރީޢަތުގެ ކުރިން ހުށަހަޅާ ހުށަހެޅުމުގެ ފުރުޞަތު ދޭނީ ޝަރީޢަތްކުރާނެ ތަނެއް އޮތްކަން ކަނޑައެޅުމަށްފަހުގައި ކަމުން، ކުރިން ދިން ފުރުޞަތު ރަނގަޅެއް ނޫނެވެ.