އަޙްމަދު ފާރިސް މައުމޫން ވ. ޕްރޮސިކިއުޓަރ ޖެނެރަލް

ކްރިމިނަލް ކޯޓުން މުޖުތަމަޢުގެ ސަލާމަތަށް ނުރައްކަލާއި ހެކިންނަށް ނުފޫޒު ފޯރުވުމުގެ ސަބަބުން ޝަރީޢަތް ނިމެންދެން ރިމާންޑް ޖަލެއްގައި ބަންދުކުރުމަށް އަމުރުކުރި.

2018 ފެބުރުއަރީގައި އިޢުލާނުކުރި ކުއްލި ނުރައްކަލުގެ ޙާލަތުގެ ދަށުން ޓެރަރިޒަމްގެ ޢަމަލެއް ހިންގަން އުޅުނުކަމުގެ ތުހުމަތުގައި އިސްތިއުނާފުކުރި ފަރާތް ހައްޔަރުކުރި؛ ޙާލަތު ދެމިއޮއްވައި ޕްރޮސިކިއުޓަރ ޖެނެރަލް ޝަރީޢަތް ނިމެންދެން ބަންދަށް އެދުނު.

އިސްތިއުނާފުކުރި ފަރާތުން 11 ނުކުތާ ހުށަހެޅި، 24 ގަޑިއިރު ތެރޭ ފަނޑިޔާރެއްގެ ކުރިއަށް ނުގެނައުމާއި، ކުއްލި ނުރައްކަލުގެ ޙާލަތުގައި ހުއްޓާލެވިފައިވާ ޖިނާއީ އިޖުރާއަތުގެ ޤާނޫނަށް ޢަމަލުކޮށް ނެރުނު އަމުރަކީ ބާޠިލު އަމުރެއް ކަމަށް. ޕީޖީން ބުނީ ތަޙްޤީޤު ނިމި މައްސަލަ ޝަރީޢަތަށް ހުށަހެޅުމުން ޙައްޤު ހިފެހެއްޓުމުގެ ޟަރޫރަތެއް ނެތް ކަމަށް.

ކުއްލި ނުރައްކަލުގެ ޙާލަތުގެ ދަށުން ހައްޔަރުކުރި މީހަކު، އެ ޙާލަތު ދެމިއޮއްވައި، ޤަރާރުގެ ދަށުން ހިފެހެއްޓިފައިވާ ޖިނާއީ އިޖުރާއަތުގެ ޤާނޫނުގެ މާއްދާތަކަށް ރިޢާޔަތްކޮށް ޝަރީޢަތް ނިމެންދެން ބަންދުކުރުމަށް ކްރިމިނަލް ކޯޓުން ނެރުނު އަމުރަކީ ޤާނޫނުއަސާސީއާ އެއްގޮތް އަމުރެއްތޯ؛ އަދި 24 ގަޑިއިރު ތެރޭގައި ފަނޑިޔާރެއްގެ ކުރިމައްޗަށް ހާޒިރުނުކުރުމަކީ ޤާނޫނުއަސާސީއާ ޚިލާފު ކަމެއްތޯ.

ދަށުކޯޓުގެ އަމުރު ބާޠިލު

ހައްޔަރުކުރިއިރު ޤާނޫނުއަސާސީގެ 48 ވަނަ މާއްދާ ހިފެހެއްޓިފައިވާތީ 24 ގަޑިއިރުގެ ނުކުތާ ބަލައެއް ނުގަނެވޭ؛ ޤަރާރުގެ ޞައްޙަކަމާ ބަޙުޘުކުރުމުގެ ހައިޞިއްޔަތެއް ހައިކޯޓަށް ނެތް. ނަމަވެސް ޖިނާއީ އިޖުރާއަތުގެ ޤާނޫނު ހުއްޓާލެވިފައިވާއިރު ކޯޓަކަށް އެ ޤާނޫނު ދިރުވައި އޭގެ ދަށުން ބަންދުގެ މުއްދަތު އިތުރުކުރެވޭނެ ހަމައެއް ނެތުމުން އަމުރު ބާޠިލު.