އާދަމް ނަޞީރު ވ. ޕްރޮސިކިއުޓަރ ޖެނެރަލް

ކުޅުދުއްފުށީ މެޖިސްޓްރޭޓް ކޯޓުން، ދެ ހެކިންގެ ހެކިބަހާއި މެޑިކޯ ލީގަލް ރިޕޯޓުތަކުގެ މައްޗަށް ކުށް ސާބިތުވާކަމަށް ކަނޑައަޅައި 10 އަހަރު ޖަލަށްލުމަށް ޙުކުމްކުރި.

ތުހުމަތުކުރެވޭ ފަރާތު ދެ މީހަކަށް ވަޅިން ހަމަލާދީ ޒަޚަމްކުރިކަމަށް ބުނެ، ތޫނު ހަތިޔާރެއް ބޭނުންކޮށްގެން މާރާމާރީ ހިންގުމުގެ ދަޢުވާ ކުރެވުނެވެ. ދައުލަތުން ހުށަހެޅި ހެކިންގެ ތެރެއިން ހެކިބަސް ނެގީ ޙާދިސާ ނުދުށް ދެ ސެކިއުރިޓީ އޮފިސަރުންގެ ހެކިބަސް އެކަންޏެވެ.

އިސްތިއުނާފުކުރި ފަރާތުން ބުނީ ހެކި ވަޒަންކުރުމުގެ އުޞޫލުތަކާއި ޤާނޫނުއަސާސީގެ 143 (ރ) އާއި، ޚަބީރުގެ ރައުޔާ ގުޅޭ 2011/SC-A/31 ގެ އުޞޫލުތަކާ ޚިލާފަށް ނިންމި ކަމަށެވެ. ދައުލަތުން އެދުނީ ބައެއް ހެކިން ޙާޟިރުނުކުރެވުނުތީ އަލުން ބެލުމަށް ދަށުކޯޓަށް ފޮނުވުމަށެވެ.

ތޫނު ހަތިޔާރެއް ބޭނުންކޮށްގެން މާރާމާރީ ހިންގުމުގެ ކުށް، ޙާދިސާ ލޮލަށް ނުދުށް ދެ ހެކިންގެ ހެކިބަހުގެ މައްޗަށް އެކަށީގެންވާ ޝައްކަކާ ނުލައި ސާބިތުވޭތޯ، އަދި ކުށްވެރިޔާ އިސްތިއުނާފުކުރުމުން ދައުލަތުގެ އެދުމުގެ މަތިން މައްސަލަ އަލުން ބެލުމަށް ދަށުކޯޓަށް ފޮނުވޭނެތޯ.

ދަށުކޯޓުގެ ޙުކުމް ބާޠިލު (އަޣްލަބިއްޔަތުން)

އަޣްލަބިއްޔަތުގެ ރައުޔުގައި، ދެ ހެކިން ޙާދިސާ ނުދެކޭތީ ކުށް އެކަށީގެންވާ ޝައްކަކާ ނުލައި ސާބިތުނުވާ ކަމަށާއި، ދައުލަތުން އިސްތިއުނާފު ނުކޮށް ކުށްވެރިޔާގެ އިސްތިއުނާފުގައި އަލުން ބެލުމަށް ފޮނުވުމަކީ ކޯޓުތަކުގެ ޤާނޫނުގެ 33 (ރ) އާއި އިސްތިއުނާފުކުރާ ފަރާތަށް ގެއްލުންނުވާ ގޮތަށް ޙުކުމްކުރުމުގެ ޤާޢިދާއާ ޚިލާފު ކަމަށް ބަލައި ޙުކުމް ބާޠިލުކުރި.