ޢަބްދުالله ޢާރިފް ވ. ޕްރޮސިކިއުޓަރ ޖެނެރަލްގެ އޮފީސް

މުޖުތަމަޢުގެ ހަމަޖެހުމާއި ސަލާމަތާއި ރައްކާތެރިކަމަށްޓަކައި ތުހުމަތުކުރެވޭ މީހާ 15 ދުވަހަށް ބަންދުގައި ބެހެއްޓުމަށް ކްރިމިނަލް ކޯޓުން އަމުރުކުރިއެވެ.

ފުލުހުންގެ ދައުރު އަދާކުރުމަށް ހުރަސްއެޅުމާއި ފުލުހުންގެ އަމުރަށް ނުކިޔަމަންތެރިވުމުގެ ތުހުމަތުގައި ތުހުމަތުކުރެވޭ މީހާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހުށަހެޅުނެވެ.

އިސްތިއުނާފުކުރި ފަރާތުން ބުނީ، ޤާނޫނުއަސާސީގެ 49 ވަނަ މާއްދާގެ ދަށުން ބަންދުގައި ބެހެއްޓޭނެ އެއްވެސް ޝަރުޠަކަށް ނުފެތޭ ކަމަށާއި، ކުށުގެ ޠަބީޢަތާއި ބޮޑުމިނާއި އަދަބު ވަޒަންކުރަންޖެހޭނެ ކަމަށް 2010/SC-A/19 ގައިވާ އުޞޫލަށް ރިޢާޔަތްނުކުރާ ކަމަށެވެ.

ފުލުހުންގެ ދައުރު އަދާކުރުމަށް ހުރަސްއެޅުމާއި އަމުރަށް ނުކިޔަމަންތެރިވުމުގެ ތުހުމަތުގައި މުޖުތަމަޢުގެ ހަމަޖެހުމާއި ސަލާމަތާއި ރައްކާތެރިކަމަށްޓަކައި ބަންދުގައި ބެހެއްޓުމަށް ނެރުއްވި އަމުރު ޤާނޫނުއަސާސީގެ 49 ވަނަ މާއްދާއާއި 2010/SC-A/19 އާ ޚިލާފުތޯ.

އިސްތިއުނާފު ބާޠިލް، ކްރިމިނަލް ކޯޓުގެ ބަންދުގެ އަމުރު ޤާއިމް

މުޖުތަމަޢުގެ ހަމަޖެހުމާއި ސަލާމަތަށްޓަކައި ބަންދުކުރުމަކީ ޤާނޫނުއަސާސީގެ 49 ވަނަ މާއްދާގައިވާ ޙާލަތެކެވެ. ފުލުހުންގެ ދައުރަށް ހުރަސްއެޅުމަކީ މުޖުތަމަޢުގެ ސަލާމަތަށް ނުރައްކާތެރި ކަމެއް ކަމަށް 2012/HC-A/213 ގައިވެސް ފާހަގަކޮށްފައިވެއެވެ. ތުހުމަތު އުފެދޭ މިންވަރުގެ ހެކި ހުށަހަޅާފައިވާތީ 2010/SC-A/19 ގެ ކަންކަމަށް ރިޢާޔަތްކޮށްފައިނުވާ ކަމަށް ނުބެލެވެއެވެ.