ޛުލްކިފްލި ޢަލީ ވ. އިލެކްޝަންސް ކޮމިޝަން

ކ. ތުލުސްދޫ ކައުންސިލު ރައީސްކަމަށް ކުރިމަތިލި ކެންޑިޑޭޓަކު ހުށަހެޅި ފޮޓޯ ހިމެނޭ ލޯގޯ، ކެންޑިޑޭޓުންގެ ފޮޓޯ ހިމެނޭ ލޯގޯ ފާސްނުކުރަން ކޮމިޝަނުން ނިންމި ނިންމުމުގެ ސަބަބުން ފާސްނުވި ނަމަވެސް، އެކަން އޭނާއަށް ނާންގައި ވޯޓު ކަރުދާހުގައި ލޯގޯ ނުޖެހިއެވެ؛ އޭނާއަށް ލިބުނީ 144 ވޯޓެވެ.

ކެންޑިޑޭޓު ބުނީ ކެމްޕެއިން ބިނާކުރީ ލޯގޯގެ މައްޗަށް ކަމާއި ކޮމިޝަނުގެ އިހުމާލުން ވޯޓުލާ ގިނަ ބަޔަކަށް އޮޅުނު ކަމަށެވެ؛ ކޮމިޝަނުން ބުނީ ލޯގޯ ފާސްނުވީ ފޮޓޯ ހިމެނޭތީ ކަމާއި، ކެންޑިޑޭޓުންގެ އިޢުލާނުގައި ލޯގޯ ނެތުމުން އޭރު ޝަކުވާ ނުކުރާ ކަމަށެވެ.

ކެންޑިޑޭޓަކު ހުށަހެޅި ޚާއްޞަ ނިޝާން (ލޯގޯ) ފާސްނުވާކަން ލިޔުމުން ނާންގައި ވޯޓު ކަރުދާހުގައި ނުޖެހުމަކީ އިލެކްޝަންސް ކޮމިޝަނުން ޤާނޫނާ ޚިލާފަށް ކުރި ޢަމަލެއްތޯ؛ އަދި އެކަމުގެ ސަބަބުން ކ. ތުލުސްދޫ ކައުންސިލު ރައީސްގެ އިންތިޚާބު ބާޠިލުކުރަންޖެހޭތޯ.

ކޮމިޝަނުން ޤާނޫނާ ޚިލާފަށް ޢަމަލުކުރިކަން ކަނޑައެޅި ނަމަވެސް، ނަތީޖާއަށް އަސަރުކުރާ އިޙްތިމާލެއް ނެތީތީ އިންތިޚާބު ބާޠިލުކުރުމަށް އެދުން ބަލައިނުގަނެ

ނިޝާން ފާސްނުވާކަން ލިޔުމުން ނާންގާތީ ކޮމިޝަނުން ޤާނޫނާ ޚިލާފަށް ޢަމަލުކުރިއެވެ؛ ނަމަވެސް ވޯޓު ކަރުދާހުގައި ނަމާއި އެޑްރެސް ހުރުމާއި ކާމިޔާބުވި ފަރާތާ ދެމެދު ބާޠިލު ވޯޓު ހިމަނައިގެންވެސް ބޮޑު ފަރަޤެއް ހުރުމުން، މި ޚިލާފުވުމުން ނަތީޖާއަށް އަސަރުކުރާ އިޙްތިމާލެއް ނެތެވެ.