ސައިޓޭޝަން ކޮޕީ ކުރުމަށް
ކުރު ސައިޓޭޝަން
2020/HC-A/235
ދިވެހި
ވާއްޓޭ އިންވެސްޓްމެންޓް ވ. މިނިސްޓްރީ އޮފް އެޑިއުކޭޝަން، 2020/HC-A/235
English
Vaatey Investment v. Ministry of Education 2020/HC-A/235 (2020/HC-A/235, High Court of the Maldives, 8 December 2022)
ވާއްޓޭ އިންވެސްޓްމެންޓް ވ. މިނިސްޓްރީ އޮފް އެޑިއުކޭޝަން
މައިގަނޑު ސުވާލު
އަމިއްލަ ފަރުދުންގެ ވިޔަފާރީގެ ޤާނޫނުގެ ދަށުން ރަޖިސްޓްރީކޮށްފައިވާ އަމިއްލަ ވިޔަފާރިއެއްގެ (ވާއްޓޭ އިންވެސްޓްމަންޓް) ނަމުގައި އިސްތިއުނާފުކުރުމުގެ ހައިސިއްޔަތު ލިބިގެންވޭތޯ، އަދި ޚަޞްމުން ހިމަނާފައިވާ ގޮތުން މި ޤަޟިއްޔާ ކުރިއަށް ގެންދެވޭނެތޯ.
ނިންމި ގޮތް
ހުށަހެޅިފައިވާ ގޮތަށް ޤަޟިއްޔާ ކުރިއަށް ނުގެންދެވޭ؛ ޙުސައިން ވާރިޝްގެ ނަމުގައި ފޯމު އިޞްލާޙުކޮށް 10 ދުވަހުގެ ތެރޭގައި އަލުން ހުށަހެޅުމުގެ ފުރުޞަތު ދިން
ކަނޑައެޅުނު އުޞޫލުތައް
- ކޯޓުތަކުން ދަޢުވާ ބަލައިގަތުމުގައި، ދަޢުވާކުރާ ފަރާތަކީ ދަޢުވާކުރުމުގެ މަޞްލަޙަތު އޮތުމުގެ އިތުރުން ދަޢުވާކުރުމުގެ ޤާނޫނީ ހައިސިއްޔަތު ހަމަ ޙަޤީޤަތުގައިވެސް ލިބިފައިވާ ފަރާތެއްތޯ ބަލަންޖެހޭނެއެވެ؛ މިއީ އިސްތިއުނާފީ މަރުޙަލާގެ ކޯޓުތަކުންވެސް ރިޢާޔަތްކުރަންޖެހޭ ކަމެކެވެ. (ޙުކުމްގެ ޕެރެގްރާފް ނަންބަރު 7)
- ދަޢުވާކުރުމުގެ ހައިސިއްޔަތު ލިބިފައިނުވާ ފަރާތަކުން ކުރާ ދަޢުވާއަކީ ޤާނޫނީ ގޮތުން ކުރެވޭނެ ދަޢުވާއެއް ނޫން ކަމުގައި ކަނޑައެޅިގެންދާނެއެވެ. (ޙުކުމްގެ ޕެރެގްރާފް ނަންބަރު 8)
- ދަޢުވާކޮށް ދަޢުވާ ރައްދުކުރެވޭނީ ޠަބީޢީ ޝަޚްޞަކަށް ނުވަތަ އަމިއްލަ ޙައްޤުތަކާއި ވާޖިބުތައް ޤާނޫނަކުން ލިބިދީފައިވާ ޤާނޫނީ ޝަޚްޞަކަށެވެ؛ އަމިއްލަ ފަރުދުންގެ ވިޔަފާރީގެ ޤާނޫނުގެ ދަށުން ރަޖިސްޓްރީކޮށްފައިވާ އަމިއްލަ ވިޔަފާރިއަކީ (sole proprietorship) ޤާނޫނީ ޝަޚްޞެއް ނޫނެވެ. (ޙުކުމްގެ ޕެރެގްރާފް ނަންބަރު 11-12، 16)
- ދަޢުވާ ފޯމު ނުވަތަ އިސްތިއުނާފު ފޯމުގައި ޚަޞްމުންގެ މަޢުލޫމާތު ލިޔާއިރު ބުރަކެޓުން ބޭރުގައި ލިޔަނީ ޚަޞްމެއްގެ އަސްލު ނަމާއި ބުރަކެޓުގެ ތެރޭގައި ލިޔަނީ އިތުރު ތަފްޞީލެވެ؛ އެހެންކަމުން ޤާނޫނީ ޝަޚްޞަކަށް ނުވާ ވިޔަފާރީގެ ނަން ބުރަކެޓުން ބޭރުގައި ލިޔެގެން ހުށަހަޅާ އިސްތިއުނާފު، ޒިންމާ ނަގަންޖެހޭ ފަރާތާމެދު ސުވާލު ނުއުފެދޭ ގޮތަށް ޚަޞްމުން ހިމަނާފައި ނުވާތީ ކުރިއަށް ނުގެންދެވޭނެއެވެ. (ޙުކުމްގެ ޕެރެގްރާފް ނަންބަރު 13-16)
- އަމިއްލަ ފަރުދުންގެ ވިޔަފާރީގެ ޤާނޫނު
- ދިވެހިރާއްޖޭގެ ސުޕްރީމް ކޯޓުގެ ނަންބަރު 2009/SC-A/24 ޤަޟިއްޔާ (ހިއުމަން ރައިޓްސް ކޮމިޝަން އޮފް ދަ މޯލްޑިވްސް ވ. މޯލްޑިވްސް ޕޮލިސް ސަރވިސް)
- ދިވެހިރާއްޖޭގެ ސުޕްރީމް ކޯޓުގެ [2021] SC 23 (އާދަމް ނަސީރު ވ. މޯލްޑިވްސް އިންލަންޑް ރެވެނިއު އޮތޯރިޓީ) ގެ 21 ވަނަ ޕެރެގްރާފް
- އިސްތިއުނާފުކުރި ފަރާތުގެ ވަކީލުން
- މޫސާ ފާރިޝް އަޙްމަދު
- ޖަވާބުދާރީވި ފަރާތުގެ ވަކީލުން
- އިބްރާހީމް ޝިނާން އަޙްމަދު، މުޙައްމަދު ޒަޔާން ޢަބްދުﷲ، އެޓަރނީ ޖެނެރަލްގެ އޮފީސް
- ބެންޗު
- ފަނޑިޔާރު ޙަސަން ޝަފީޢު، ފަނޑިޔާރު ދީބާނާޒް ފަހުމީ، ފަނޑިޔާރު މުޙައްމަދު ސަލީމް
- ރައުޔު ލިޔުނު ފަނޑިޔާރު
- ފަނޑިޔާރު ޙަސަން ޝަފީޢު · ތާއީދުކުރެއްވީ: ފަނޑިޔާރު މުޙައްމަދު ސަލީމް
- ޚިލާފު ރައުޔު
- ނެތް