ސޮނޭވާ މެނޭޖްމެންޓް (ބީވީއައި) ލިމިޓެޑް ވ. ޢަލީ ޝާކިރު

ވަޒީފާއާބެހޭ ޓްރައިބިއުނަލުން ނިންމީ މައުޟޫޢީ އަދި އިޖުރާއީ ޢަދުލުވެރިކަން ޤާއިމުނުކޮށް ކުރި އަންފެއަރ ޑިސްމިސަލްއެއް ކަމަށާއި، މަޤާމަށް ރުޖޫޢަކޮށް، ނޯޓިސްގެ ބަދަލުގައި އަދި ރިޑަންޑަންސީއަށް ދީފައިވާ ފައިސާ އުނިކޮށް ލިބެންވާ އުޖޫރަ ދިނުމަށެވެ.

ސޮނެވާފުށި ރިސޯޓުގައި ކާޕެންޓަރުންގެ މަޤާމުގައި ހުރި ދެ މުވައްޒަފުން، ކުންފުނީގެ މާލީ ދަތިކަމާ ގުޅިގެން ހިންގުން ހަރުދަނާކުރުމަށް 6 މެންބަރުންގެ ކޮމިޓީއެއްގެ ލަފާގެ މަތިން މަޤާމު އުވާލިކަމަށް ބުނެ، ނޯޓިސްގެ ބަދަލުގައި ފައިސާ ދީ 2018 ވަނަ އަހަރުގެ ޖުލައި މަހު ރިޑަންޑަންސީގެ ދަށުން ވަޒީފާއިން ވަކިކޮށްފައިވެއެވެ.

ކުންފުނިން ބުނީ ޙަޤީޤީ ރިޑަންޑަންސީއެއް ކަމަށާއި، އެއްފެންވަރުގެ އެހެން ވަޒީފާއެއް ހުށަހެޅި، އެއްބަސްވުމުގެ މަތިން ޢިނާޔަތްތައް ދީފައިވާތީ ޢަދުލުވެރިކަން ޤާއިމުވި ކަމަށާއި، 5 އަހަރު ފާއިތުވެ އޮނިގަނޑު ބަދަލުވެފައިވާތީ ވަޒީފާ އިޢާދަކުރަން މަޖުބޫރު ނުކުރެވޭނެ ކަމަށެވެ. މުވައްޒަފުން ބުނީ މަސައްކަތް ހުއްޓިފައި ނުވާކަމަށާއި، ކުންފުނިން ހެކި ހުށަނާޅާކަމަށެވެ.

ސޮނެވާ މެނޭޖްމަންޓް (ބީ.ވީ.އައި) ލިމިޓެޑްގެ ކާޕެންޓަރުންގެ މަޤާމު ރިޑަންޑަންޓްކޮށް ވަޒީފާއިން ވަކިކުރުމުގައި މައުޟޫޢީ އަދި އިޖުރާއީ ޢަދުލުވެރިކަން ޤާއިމުނުކުރެވޭ ކަމަށް ވަޒީފާއާބެހޭ ޓްރައިބިއުނަލުން ނިންމީ ރިޑަންޑަންސީއާ ގުޅޭ ޤާނޫނީ އުޞޫލުތަކާ ޚިލާފަށްތޯއާއި، ވަޒީފާ އިޢާދަކުރުމަށް ނިންމީ ޤާނޫނީ އުޞޫލުތަކާ ޚިލާފަށްތޯ.

ފުރަތަމަ އިސްތިއުނާފީ ނުކުތާ ރައްދުކުރި (މައުޟޫޢީ އަދި އިޖުރާއީ ޢަދުލުވެރިކަން ޤާއިމުނުވާ ކަމަށް ޓްރައިބިއުނަލުން ނިންމީ ރަނގަޅަށް)؛ ޙުކުމުގެ ނިންމުމުގެ ބައި ލިޔުމުގައި ނުހިމެނޭ

ޙަޤީޤީ ރިޑަންޑަންސީއެއްގެ ހެކި (މާލީ ދަތިކަމާއި ނިންމުމުގެ ޔައުމިއްޔާ، މިދެމީހުން ހޮވި އަސާސް) ނެތުމާއި، ރިޑަންޑަންސީގެ އިޖުރާއަތު ކުރިއާލާ އަންގާފައިނުވުމުން ޓްރައިބިއުނަލުގެ ނިންމުން ޤާއިމްވެއެވެ. ވަޒީފާ އިޢާދަކުރުމާމެދު، އޮނިގަނޑު ބަދަލުވިކަމުގެ ހެކި ހުށަހަޅާފައި ނުވާކަމާއި ކުންފުނީގެ ކުޑަބޮޑުމިން ފާހަގަކޮށްފައިވެއެވެ.