ޕްރޮސިކިއުޓަރ ޖެނެރަލް ވ. ޙުސައިން ނަބީލް

ރިމާންޑް ޖަލެއްގައި ބަހައްޓަން އެންގިތާ ދުވަސްތަކެއް ވީއިރުވެސް އަމުރާ އެއްގޮތަށް ޢަމަލުނުކުރާތީ ކްރިމިނަލް ކޯޓުން ޝަރުޠުކޮށް ބަންދުން ދޫކޮށްލިއެވެ.

ތުހުމަތުކުރެވޭ ފަރާތް ވައިގެ މަގުން އައްޑޫއަށް މަސްތުވާތަކެތި އެތެރެކުރަން އުޅުނުކަމުގެ ތުހުމަތުގައި ބަންދުކުރެވި، ޑައިމޯފިން ޓްރެފިކްކުރުމުގެ ދަޢުވާ ކްރިމިނަލް ކޯޓަށް ހުށަހެޅުނެވެ. ރިމާންޑް ޖަލެއްގައި ބަހައްޓަން ކޯޓުން ދެފަހަރު އަމުރުކުރި ނަމަވެސް ޖަލުތަކުގެ ޖާގައިގެ ދަތިކަމުން ކަރެކްޝަނަލް ސަރވިސްއިން ބަލައިނުގަތެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 އާއި ޖިނާއީ އިޖުރާއަތުގެ ޤާނޫނުގެ 22 (ޅ)، 59، 60 އާއި 63 ވަނަ މާއްދާއާއި ޤާނޫނުއަސާސީގެ 143 (ރ) އާ ޚިލާފު އަމުރެއް ކަމަށާއި، ކޯވިޑް-19 ގެ ޟަރޫރީ ޙާލަތުގައި ޖާގަ ނެތުމުން ބަދަލުނުކުރެވުނު ކަމަށާއި، 3 ވަނަ އިސްލާޙުން ހޯމް މިނިސްޓަރ ކަނޑައަޅާ ތަނެއްގައި ބެހެއްޓޭނެ ކަމަށެވެ.

ޑައިމޯފިން ޓްރެފިކްކުރުމުގެ ދަޢުވާ ހުށަހެޅިފައިވާ ތުހުމަތުކުރެވޭ ފަރާތް ރިމާންޑް ޖަލެއްގައި ބަހައްޓަން ކޯޓުން އަމުރުކުރި ނަމަވެސް ޖާގައިގެ ދަތިކަމުން ރިމާންޑް ޖަލަކަށް ބަދަލު ނުކުރުމުން، ޝަރުޠުކޮށް ބަންދުން ދޫކޮށްލި ކްރިމިނަލް ކޯޓުގެ އަމުރު ޤާނޫނާ ޚިލާފުތޯ.

އިސްތިއުނާފު ބާޠިލް، ދަށުކޯޓުގެ އަމުރު ޤާއިމް

ދަޢުވާ ހުށަހެޅިފައިވާ ފަރާތަކީ ރިމާންޑް ޖަލެއްގައި ބަހައްޓަންޖެހޭ ފަރާތަކަށްވާއިރު އެއަށް ބަދަލުނުކުރެވުމުން ދޫކޮށްލުމަކީ ޤާނޫނާ ޚިލާފު ނިންމުމެއް ނޫނެވެ. އިސްލާޙުން ގެނައި ޚާއްޞަ ތަނުގެ އިޖުރާއަތު ރިމާންޑް ޖަލުގެ ފަރާތްތަކަށް ނުފެތެއެވެ. ނަމަވެސް ކުށަކީ ޖިނާއީ ބޮޑު ކުށަކަށްވާތީ، ޕްރޮސިކިއުޓަރ ޖެނެރަލް އެދިއްޖެނަމަ މައްސަލަ ބަލާ ކޯޓުން ބަންދާމެދު ނިންމަންވާނެއެވެ.