ޕްރޮސިކިއުޓަރ ޖެނެރަލް ވ. ޢަލީ ވަޙީދު

ވީޑިއޯ ކޮންފަރެންސިންގ މެދުވެރިކޮށް ޝަރީޢަތް ނުހިންގޭނެކަމަށް ޤާނޫނުގައި ނެތުމާއި، ޖިނާއީ އިޖުރާއަތުގެ ޤާނޫނުގެ 163-1 އާއި ސުޕްރީމް ކޯޓުގެ ވީޑިއޯ ކޮންފަރެންސިންގ ގަވާއިދުގެ ދަށުން ކުރިއަށް ގެންދެވިދާނެކަމަށް ބުނެ، އިސްޤާޟީގެ ލަފައާއެކު ކްރިމިނަލް ކޯޓުން ނިންމިއެވެ.

ބޭރުގައި ހުރި ތުހުމަތުކުރެވޭ ފަރާތުގެ މައްޗަށް ކްރިމިނަލް ކޯޓުގައި ހިނގަމުންދާ ޝަރީޢަތް، އޭނާ އެދުމުން ރާއްޖޭގެ އެމްބަސީއަކުން ވީޑިއޯ ކޮންފަރެންސް މެދުވެރިކޮށް ކުރިއަށް ގެންދިއުމަށް ކްރިމިނަލް ކޯޓުން ސިޓީއަކުން ދައުލަތަށް އެންގިއެވެ. އެ ނިންމުން ދައުލަތުން އިސްތިއުނާފުކުރިއެވެ.

ދައުލަތުން ބުނީ ނިންމުމަކީ ޝަރީޢަތުގެ ކުރިން ހުށަހަޅާ ހުށަހެޅުމަކާމެދު ނިންމި ނިންމުމެއް ނޫން އިޖުރާއީ ނިންމުމެއް ކަމަށާއި، ޝަރީޢަތްކުރުމާބެހޭ ޖިނާއީ އިޖުރާއަތުގެ ގަވާއިދުގެ 172 ވަނަ މާއްދާއިން 168 (ރ) ގެ ނިންމުންތައް އިސްތިސްނާކުރާތީ އިސްތިއުނާފުކުރެވޭނެ ކަމަށާއި، މި ޝަރީޢަތް އޮންލައިންކޮށް ނުވަތަ ޣައިރު ޙާޟިރުގައި ނުހިންގޭނެ ކަމަށެވެ.

ބޭރުގައި ހުރި މުއްތަހަމަކު ރާއްޖޭގެ އެމްބަސީއަކުން ވީޑިއޯ ކޮންފަރެންސް މެދުވެރިކޮށް ބައިވެރިކޮށްގެން ޝަރީޢަތް ހިންގުމަށް ކްރިމިނަލް ކޯޓުން ނިންމި އިޖުރާއީ ނިންމުމެއް، މައްސަލަ މައުޟޫޢީ ގޮތުން ފައިސަލާކުރުމުގެ ކުރިން ދައުލަތަށް ހައިކޯޓުގައި އިސްތިއުނާފުކުރެވޭނެތޯ.

ދަޢުވާ ފޯމް ބާޠިލު

168 (ރ) ކިޔަންވާނީ (ނ) އާއެކު ކަމުން، އިސްތިސްނާ ހިމެނެނީ ޝަރީޢަތުގެ ކުރިން ހުށަހަޅާ ހުށަހެޅުންތަކާމެދު ނިންމުންތަކެވެ. އެހެން އިޖުރާއީ ނިންމުންތައް އިސްތިއުނާފުކުރެވޭނީ މައުޟޫޢީ ޙުކުމަށްފަހުގައި ކަމުން، މި މައްސަލަ އިސްތިއުނާފެއްގެ ގޮތުގައި ކުރިއަށް ނުގެންދެވޭނެއެވެ.