އިބްރާހީމް އުމަރު ވ. އިލްޔާސް ޢަލީ

ސިވިލް ކޯޓުން 2,258,060 ރުފިޔާ ދަޢުވާލިބޭ ފަރާތުން ދައްކަންޖެހޭކަން ސާބިތުވާކަމަށް ކަނޑައަޅައި 30 ދުވަހުގެ ތެރޭގައި ދެއްކުމަށް ޙުކުމްކޮށް، ވަކީލު ފީ ނަގައިނުދިނެވެ.

2016 މާރިޗުން ޖޫނަށް ފިއުލް ލިންކާއި ވިއްސަ އިންވެސްޓްމަންޓާ ދެމެދު ހިނގި ތެލުގެ ވިޔަފާރީގައި ދައްކަންޖެހޭ 2,258,060 ރުފިޔާއާއި ވަކީލު ފީ 50,000 ރުފިޔާ ހޯދުމަށް ފިއުލް ލިންކުން ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ސާބިތުކުރުމުގެ ބުރަ ދަޢުވާކުރާ ފަރާތުގެ މައްޗަށް އޮތް 2010/SC-A/02 ގެ އުޞޫލާ ޚިލާފަށް މައްސަލަ ނިންމާފައިވާކަމަށެވެ؛ ދަށުކޯޓުގައި އޭނާ ކުރިމަތިކުރި ދަފްޢަކީ ހުރިހާ ފައިސާއެއް ދައްކާފައިވާކަމެވެ.

ތެލުގެ ވިޔަފާރީގެ މުޢާމަލާތުގައި ދައްކަންޖެހޭ ބާކީ ފައިސާ ހޯދުމަށް ކުރި ދަޢުވާގައި ސާބިތުކުރުމުގެ ބުރަ އުފުލަންޖެހެނީ ކޮން ފަރާތަކަށްތޯއާއި، ފައިސާ ދައްކާ ޚަލާޞްކޮށްފައިވާކަމަށް ކުރިމަތިކުރި ދަފްޢު ސާބިތުވިތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ފިއުލް ލިންކުން ޕާޗޭސް އޯޑަރާއި އިންވޮއިސްތަކުން މުޢާމަލާތް ސާބިތުކުރުމުން، ފައިސާ ދެއްކިކަމުގެ ދަފްޢު ސާބިތުކުރުމުގެ ބުރަ އިސްތިއުނާފުކުރި ފަރާތަށް ދިޔައެވެ؛ ހުށަހެޅި ޗެކުތައް ރައްދުވެފައިވާތީއާއި ނަޤުދު ދެއްކިކަމުގެ ހެއްކެއް ނެތުމުން ދަފްޢު ސާބިތުނުވިއެވެ.