ޙުސަައިން ޝިނާން ވ. ޕްރޮސިކިއުޓަރ ޖެނެރަލް

މުޖްތަމަޢުގެ ސަލާމަތަށް ނުރައްކާވެދާނެކަމަށްޓަކައި، 26 ޖޫން 2018 އިން 01 ޖުލައި 2018 ގެ ނިޔަލަށް ކަސްޓޯޑިއަލް ޖަލެއްގައި ބަންދުގައި ބެހެއްޓުމަށް މަރަދޫ މެޖިސްޓްރޭޓް ކޯޓުން އަމުރުކުރިއެވެ.

މަސްތުވާތަކެތި ބޭނުންކޮށް އޭގެ ވިޔަފާރިކުރާކަމަށް ތުހުމަތުކުރެވި ބަންދުކުރެވުނު ފަރާތެއްގެ ބަންދުގެ މުއްދަތު އިތުރުކުރުމަށް ފުލުހުން އެދުނު މައްސަލައެކެވެ.

އިސްތިއުނާފުކުރި ފަރާތުން ބުނީ އަމުރު ނެރުއްވާފައިވަނީ ޤާނޫނުއަސާސީގެ 49 ވަނަ މާއްދާއަށް އެކަށީގެންވާ ގޮތުގެ މަތިން ރިޢާޔަތް ނުކޮށް ކަމަށެވެ (ދެވަނަ ނުކުތާ އުނިކުރިއެވެ).

މަސްތުވާތަކެތި ބޭނުންކޮށް ވިޔަފާރިކުރާކަމުގެ ތުހުމަތުގައި ބަންދުގެ މުއްދަތު އިތުރުކުރުމަށް މަރަދޫ މެޖިސްޓްރޭޓް ކޯޓުން ނެރުނު އަމުރަކީ ޤާނޫނުއަސާސީގެ 49 ވަނަ މާއްދާއަށް އެކަށީގެންވާ ގޮތުގެ މަތިން ރިޢާޔަތްނުކޮށް ނެރުނު އަމުރެއްތޯ.

އިސްތިއުނާފު ބާޠިލް، ދަށުކޯޓުގެ އަމުރު ޤާއިމް

މަސްތުވާތަކެއްޗާ ގުޅޭ ކުށްތަކަކީ މުޖުތަމަޢަށް ނުރައްކާތެރިކަން ބޮޑު ކުށްތަކެއްކަމާއި، ބަންދުގެ މައްސަލަތަކުގައި ބޭނުންވަނީ ތުހުމަތެއް އުފެދޭ މިންވަރުގެ ހެކިކަމާއި، ހުށަހެޅި ހެކި ޤަރީނާއަކީ ތުހުމަތެއް ކުރުމަށް އެކަށީގެންވާ ހެކިކަން ފާހަގަކޮށް، އަމުރަށް ބަދަލުގެންނަންޖެހޭ ސަބަބެއް ނުފެނުނެވެ.