ޙަސަން ސުޖާޢު ވ. ޕްރޮސިކިއުޓަރ ޖެނެރަލް

މ.ކޮޅުފުށީ މެޖިސްޓްރޭޓް ކޯޓުން ހެކި ނައްތާލައި ހެއްކަށް ނުފޫޒު ފޯރުވަން މަސައްކަތްކޮށްފާނެ ކަމަށާއި ދޫކޮށްލައިފިނަމަ މުޖުތަމަޢުގެ ސަލާމަތަށް ނުރައްކަލެއް ކުރިމަތިވެދާނެ ކަމަށް ބެލެވޭތީ، ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާގެ (ހ)، (ށ)، (ނ) އަދި (ރ) އަށް ރިޢާޔަތްކޮށް ކަސްޓޯޑިއަލް ޖަލެއްގައި ބަންދުކުރުމަށް އަމުރުކުރިއެވެ.

ތަރިކައިގެ މައްސަލައެއްގައި ނެރުނު ކޯޓު އަމުރެއް ތަންފީޒުކުރުމަށް ފުލުހުން ބަންދުކޮށް ބަލަހައްޓަމުން ދިޔަ ފިހާރައަކަށް، އެ ފިހާރައިގެ ވެރިފަރާތުގެ ވާރިސެއްކަމަށްވާ ތުހުމަތުކުރެވޭ ފަރާތް ހުއްދަނެތި ވަދެފައިވާ ތުހުމަތުގައި މ.މުލަކު މެޖިސްޓްރޭޓް ކޯޓުގެ އަމުރަކުން ހައްޔަރުކުރިއެވެ. ބަންދު އިތުރުކުރުމަށް ފުލުހުން މ.ކޮޅުފުށީ މެޖިސްޓްރޭޓް ކޯޓަށް އެދުނެވެ.

އިސްތިއުނާފުކުރި ފަރާތުން ބުނީ ޝަރީޢަތްކުރުމާބެހޭ ޖިނާއީ އިޖުރާއަތުގެ ގަވާއިދުގެ 13 ވަނަ މާއްދާގެ (ހ) އާއި (ށ) ގައިވާ ހާލަތެއް ވުޖޫދުވެ ނެތްކަމަށާއި، ފިހާރައަކީ ފުލުހުންގެ ބެލުމުގެ ދަށުގައިވާ ތަނަކަށްވާތީ ވަދެފާނެ ކަމަށް ހީވުމަކީ ބަންދުކުރުމުގެ ސަބަބަކަށް ނުވާނެކަމަށާއި، ކޯޓު އަމުރަކާ ޚިލާފުވުމަކީ ޖިނާއީ ބޮޑު ކުށެއް ނޫންކަމަށާއި، މި އަމުރަކީ ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 60 ވަނަ މާއްދާގެ މަޤްޞަދާ ޚިލާފު އަމުރެއް ކަމަށެވެ. ޕްރޮސިކިއުޓަރ ޖެނެރަލްގެ އޮފީހުން ބުނީ ތުހުމަތުކުރެވޭ ފަރާތް ބަންދުން ދޫކޮށްލާފައިވާތީ އަމުރުގެ ފާޢިލިއްޔަތު ގޮސްފައިވާ ކަމަށެވެ.

ތުހުމަތުކުރެވޭ ފަރާތް ހެކި ނައްތާލައި ހެއްކަށް ނުފޫޒު ފޯރުވާފާނެ ކަމަށާއި މުޖުތަމަޢުގެ ސަލާމަތަށް ނުރައްކާވެދާނެ ކަމަށް ބުނެ މ.ކޮޅުފުށީ މެޖިސްޓްރޭޓް ކޯޓުން ބަންދުކުރުމަށް ނެރުނު އަމުރަކީ ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާއާއި ޝަރީޢަތްކުރުމާބެހޭ ޖިނާއީ އިޖުރާއަތުގެ ގަވާއިދުގެ 13 ވަނަ މާއްދާއާ އެއްގޮތަށް ނެރެފައިވާ އަމުރެއްތޯ.

ނިންމި ގޮތް ލިޔުމުން ކިޔަން ނޭނގޭ (ތަޙުލީލާއި ނިންމުމުގެ ބައި ހަލާކުވެފައި)