ޙަބީބާ ޙުސައިން ޙަބީބް ވ. އެޓާރނީ ޖެނެރަލްގެ އޮފީސް

ސިވިލް ކޯޓުން ކަނޑައެޅީ ރަށް ވަކިކުރީ ޤާނޫނުއަސާސީގެ 40 ވަނަ މާއްދާއާއި، ކޮންޓްރެކްޓާބެހޭ ޤާނޫނުގެ 21 ވަނަ މާއްދާއާއި، ފަޅުރަށްރަށާބެހޭ ޤާނޫނާއި ޤަވާޢިދާ ޚިލާފަށްކަމަށް ކަނޑައަޅާނެ ތަނެއް ނެތްކަމަށެވެ.

1968 ވަނަ އަހަރުން ފެށިގެން ވަރުވާއަށް ލިޔެދީފައިވާ ފަޅުރަށެއް، ދައުލަތުގެ ބޭނުމަކަށް ކަމަށް ބުނެ، 2 އަހަރުގެ ވަރުވާއަށްވާ ބަދަލާއި މުދާ ގެންދިއުމަށް 30 ދުވަސް ދީ، 2013 ސެޕްޓެމްބަރު 29 ގައި މިނިސްޓްރީ އޮފް ފިޝަރީޒް އެންޑް އެގްރިކަލްޗަރއިން ވަކިކުރިއެވެ. ވަރުވާއަށް ލިޔެދިނުމުގެ ލިޔުމުން ކުރެވުނު އެއްބަސްވުމެއް ހުށަހެޅިފައެއް ނުވެއެވެ.

އިސްތިއުނާފުކުރި ފަރާތުން ބުނީ ޤާނޫނުއަސާސީގެ 40 ވަނަ މާއްދާއިން ކަށަވަރުކޮށްދޭ މުދާ ހޯދުމާއި ގެންގުޅުމުގެ ޙައްޤާ ތަޢާރުޟުވާ ގޮތަށް ނިންމިކަމަށާއި، ހައިކޯޓުގެ 2012/HC-A/124 ޤަޟިއްޔާގެ އުޞޫލުތަކަށް ރިޢާޔަތް ނުކުރާކަމަށެވެ.

ވަރުވާއަށް ލިޔެދީފައިވާ ފަޅުރަށެއް ދައުލަތުގެ ބޭނުމަކަށް، ޤަވާޢިދުގައިވާ ބަދަލު ދީ، ވަރުވާ ލިޔެގެން އުޅޭ ފަރާތުގެ އަތުން ވަކިކުރުމަކީ ޤާނޫނުއަސާސީގެ 40 ވަނަ މާއްދާއިން ކަށަވަރުކޮށްދޭ މުދަލުގެ ޙައްޤާ ޚިލާފު ނިންމުމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ވަރުވާ ރަށަކީ ދައުލަތުގެ މިލްކެއް ކަމުން، އިތުރު އެއްބަސްވުމެއް ނެތްއިރު ޢަމަލުކުރަންޖެހޭނީ ޤާނޫނާއި ޤަވާޢިދުގެ އިޖުރާއާތުތަކަށެވެ. ޤަވާޢިދުގެ 9 އާއި 10 ވަނަ މާއްދާގެ ދަށުން ދައުލަތުގެ ބޭނުމަކަށް، އެކަށީގެންވާ ވަގުތާއި ޤާނޫނީ ބަދަލު ދީ ވަކިކުރި ކަމުން، އެއީ ޤާނޫނުއަސާސީގެ 40 ވަނަ މާއްދާއާ ޚިލާފު ނިންމުމެއް ނޫނެވެ.