އޭއައިއެސް އެލްއެލްޕީ ވ. މިނިސްޓްރީ އޮފް އިކޮނޮމިކް ޑިވެލޮޕްމެންޓް

ސިވިލް ކޯޓުން، ލިކުއިޑޭޓަރު ކުރަންޖެހޭ ކަންކަން (ދަރަނި އަދާކުރުން، ހިސާބު، ޢާއްމު ޖަލްސާ) ފުރިހަމަކުރިކަން ނުދައްކާތީ، ކުންފުނި އުވާލުމަށް ރަޖިސްޓްރާރަށް އަމުރުކުރާނެ ޝަރުޢީ އަދި ޤާނޫނީ ހަމައެއް ނެތް ކަމަށް ޙުކުމްކުރިއެވެ.

އޭޝިޔާ ރިސޯޓްސް ޕްރައިވެޓް ލިމިޓެޑް އުވާލަން ނިންމައި ލިކުއިޑޭޓަރަކަށް އޭ.އައި.އެސް ޢައްޔަންކޮށް ލިޔެކިޔުން ރަޖިސްޓްރާރަށް ހުށަހެޅިއެވެ. ކުންފުނިން ދައުލަތަށް ބިމުގެ ކުއްޔާއި ޖޫރިމަނާގެ ގޮތުގައި ބޮޑު ދަރަންޏެއް ދައްކަންޖެހެއެވެ؛ މީރާއިން ކުރި ދަޢުވާއެއްގައި ފައިސާ ދެއްކުމަށް ޙުކުމްވެސް ކޮށްފައިވެއެވެ.

އޭ.އައި.އެސްއިން ބުނީ ކުންފުނިތަކާބެހޭ ޤާނޫނުގައިވާ މުއްދަތުގައި ރަޖިސްޓްރާރ ކުންފުނި އުވާލަންޖެހޭ ކަމަށެވެ. ދައުލަތުން ބުނީ ދައުލަތަށް ދަރަނި އޮތުމާއި، ފައިސާ ހޯދުމުގެ މައްސަލަ ކޯޓުގައި އޮތުމާއި، ޢާއްމު މަޞްލަޙަތު ކަމަށެވެ.

ދައުލަތަށް ދައްކަންޖެހޭ ފައިސާ ހޯދުމަށް ކުންފުންޏެއްގެ މައްޗަށް ކޯޓުގައި މައްސަލައެއް ހުށަހެޅިފައި އޮއްވާ، ލިކުއިޑޭޓަރުގެ ފަރާތުން އެ ކުންފުނި އުވާލުމަށް ރަޖިސްޓްރާރ އޮފް ކޮމްޕެނީޒްއަށް އަމުރުކޮށްދިނުމަށް އެދޭ މައްސަލަ ބެލިދާނެތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ފައިސާ ހޯދުމުގެ ދަޢުވާއެއް ކުރިން ކޯޓުގައި އޮއްވާ ކުންފުނި އުވާލުމަކީ އެ މައްސަލައަށް އަސަރުކުރާނެ ކަމަކަށް ވާތީ ސުޕްރީމް ކޯޓުގެ 2012/SC-SJ/05 އަމުރަށް ބިނާކޮށް، ކުންފުނި އުވާލުމުގެ މައްސަލަ ކުރިއަށް ނުގެންދެވޭނެ ކަމަށާއި އިސްތިއުނާފީ ނުކުތާއަށް ރިޢާޔަތްކުރަންޖެހޭ ބޭނުމެއް ނެތް ކަމަށް ކަނޑައެޅިއެވެ.