ދުސިތު މޯލްޑިވްސް މެނޭޖްމެންޓް ޕްރައިވެޓް ލިމިޓެޑް ވ. ޢަބްދުލްވާރިޘް އަބްދުލްލަޠީފް

ވަޒީފާއާބެހޭ ޓްރައިބިއުނަލުން މައުޟޫޢީ އަދި އިޖުރާއީ ޢަދުލުވެރިކަން ޤާއިމްނުކޮށް ވަކިކުރުމަކީ unfair dismissal އެއްކަމަށް ކަނޑައަޅައި، ވަޒީފާއަށް ރުޖޫޢަކުރުމާއި ފައިސާ ދިނުމަށް (5 މަހުގެ ނޯޓިސް ފައިސާ ހިމެނޭ) އަމުރުކުރިއެވެ.

2013 ން ފެށިގެން ރިސޯޓެއްގައި ވެއިޓަރެއްގެ ގޮތުގައި ހުރި މުވައްޒަފަކު ކޮވިޑް-19 ގެ ސަބަބުން މާލީ ހާލަތު ދަށްވެގެން ކަމަށް ބުނެ 31 ޑިސެންބަރު 2020 ން ފެށިގެން ރިޑަންޑަންޓްކުރިއެވެ.

ވަޒީފާދޭ ފަރާތުން ބުނީ ކޭޕީއެމްޖީ ރިޕޯޓަށް ބުރަދަން ނުދިނީ ގޯހުން ކަމަށާއި، ޙަޤީޤީ ރިޑަންޑަންސީއެއް ކަމަށާއި، 3 މަހުގެ ނޯޓިސް ދީ ޕޮލިސީ ނޮލެޖް ލިބިފައިވާ ކަމަށެވެ. މުވައްޒަފު ބުނީ ވިޔަފާރި ރަނގަޅުވަމުން ދިޔަ ދުވަސްވަރު ވަކިކުރި ކަމަށާއި ކުރިއާލާ އަންގާފައި ނުވާ ކަމަށެވެ.

ކޮވިޑް-19 ގެ ސަބަބުން ރިޑަންޑަންޓްކުރި ވެއިޓަރެއްގެ ވަޒީފާ ނިމުމަކީ ޙަޤީޤީ ރިޑަންޑަންސީއެއްގެ ސަބަބުން، މައުޟޫޢީ އަދި އިޖުރާއީ ޢަދުލުވެރިކަން ޤާއިމްކޮށްގެން ކުރެވުނު ކަމެއްތޯ.

އިސްތިއުނާފު ބާޠިލް، ޓްރައިބިއުނަލްގެ ނިންމުން ޤާއިމް

ރިޕޯޓަކީ ވަކިކުރުމުގެ ކުރީގެ މުއްދަތެއްގެ ރިޕޯޓެއް، ވަކިކުރި ދުވަސްވަރު އޮކިއުޕެންސީ މަތިވަމުން ދިޔަ، ބަދަލުގައި މީހަކު ހޯދަމުން ދިޔަ، އަދި ހޮވި ގޮތާއި ޕޮލިސީ ހިއްސާކުރިކަން ސާބިތުކޮށްދީފައި ނުވާތީ މައުޟޫޢީ އަދި އިޖުރާއީ ޢަދުލުވެރިކަން ޤާއިމްނުވާ ކަމަށް ކަނޑައެޅިއެވެ.