ޕްރޮސިކިއުޓަރ ޖެނެރަލްގެ އޮފީސް ވ. މުޙައްމަދު ސާޖިދު އަޙްމަދު

މައްސަލަ ސާބިތުކުރުމަށް ހެކީގެ ގޮތުގައި ހުށަހެޅި ފިންގަރ ޕްރިންޓް ކޮމްޕެރިސަން ރިޕޯޓަކީ ކުރިން ހާމަކޮށްފައިނުވާ ހެއްކެއްކަމަށްވާތީ އެ ހެކި ބަލައިނުގަތުމަށް ނިންމެވިއެވެ.

ދަޢުވާ ފޯމުގައި ތައްޔާރުކުރަމުންދާ ރިޕޯޓެއްކަން ފާހަގަކޮށް އެ ރިޕޯޓު ނިމުމުން ހެކީގެ ގޮތުގައި ހުށަހަޅާނެކަމަށް ބަޔާންކުރި ފިންގަރ ޕްރިންޓް ކޮމްޕެރިސަން ރިޕޯޓަކީ ކުރިން ހާމަކޮށްފައިނުވާ ރިޕޯޓެއްކަމަށާއި، ކުރިން ހާމަކުރި ހެއްކެއްކަމަށްވާނީ ހެކީގެ ކޮންޓެންޓްވެސް ހާމަކުރުމުންކަމަށް ފާހަގަކޮށް ކުރިން ހާމަނުކުރާ ހެއްކެއްކަމަށްވަތީ އެ ހެކި ބަލައިނުގަތުމަށް ޝަރީޢަތުން ނިންމެވިއެވެ. (ހެކީގެ ރެލަވަންސީއާމެދު އެއްވެސް ސުވާލެއް އުފައްދާފައެއް ނުވެއެވެ.)

މި މައްސަލާގައި ދަށުކޯޓަށް ޕްރޮސިކިއުޝަނުން ހުށަހަޅަން އެދުނު ރިޕޯޓު ހުށަހަޅާފައިވަނީ ކޯޓުން ކަނޑައެޅި މުއްދަތުގެ ތެރޭގައިކަމަށްވާތީއާއި، އެ ރިޕޯޓު ބަލައިނުގަތުމަށް ދަށުކޯޓުން ނިންމާފައިވާ ނިންމުން ބިނާކުރި އަސާސްތައް ރަނގަޅުކަމަށް ނުފެންނާތީ، އެ ހެކި ބަލައިނުގަތުމަށް ނިންމި ނިންމުން ބާޠިލުކަމަށް ދިވެހިރާއްޖޭގެ ހައިކޯޓުގައި މައްސަލަ ބެއްލެވި ފަނޑިޔާރުންގެ އިއްތިފާޤުން ކަނޑައަޅައި ޙުކުމްކުރެއްވިއެވެ.