މޫސާ ނާޝިދު ވ. ޕްރޮސިކިއުޓަރ ޖެނެރަލްގެ އޮފީސް

މިއީ ކްރިމިނަލް ކޯޓުން ނެރެފައިވާ ނަންބަރު 145-J/BFA/2024/117، 145-J/BFA/2024/116 އަދި 145-J/HBF/2024/115 އަމުރުތައް އިސްތިއުނާފުކޮށް ހައިކޯޓަށް ހުށަހެޅުނު މައްސަލައެކެވެ. މި އަމުރުތަކަކީ އެންޓި-ކޮރަޕްޝަން ކޮމިޝަން (އޭސީސީ) އިން ބެޑްމިންޓަން އެސޯސިއޭޝަންއާ ގުޅިގެން ހިންގަމުންދިޔަ ތަޙްޤީޤަކަށް އެދިގެން ނެރެފައިވާ ބަލައި ފާސްކުރުމާއި މުދާ ހިފެހެއްޓުމުގެ އަމުރުތަކެކެވެ. އިސްތިއުނާފުކުރާ ފަރާތުން ބުނެފައިވަނީ އޭނާއަކީ ދައުލަތުގެ މުވައްޒަފެއްކަމަށް ބަލައި އަމުރު ނެރުނު ސަބަބު ބަޔާންކޮށްފައިނުވާ ކަމަށާއި، އަދި ޖިނާއީ އިޖުރާއަތުގެ ޤާނޫނުގެ 38 ވަނަ މާއްދާގެ ދަށުން މީހުން ހުއްޓުވައި ބަލައި ފާސްކުރުމުގެ ބާރު އޭސީސީއަށް ލިބިގެންނުވާ ކަމަށެވެ.

1. ކްރިމިނަލް ކޯޓުގެ އަމުރުތަކުގައި އިސްތިއުނާފުކުރާ ފަރާތަކީ ދައުލަތުގެ މުވައްޒަފެއްކަމަށް ބަލައިފައިވާ ސަބަބު އެކަށީގެންވާ މިންވަރަށް ބަޔާންކޮށްފައިވޭތޯ ނުވަތަ ނޫންތޯ؟

2. ޖިނާއީ އިޖުރާއަތުގެ ޤާނޫނުގެ 38 ވަނަ މާއްދާގެ ދަށުން މީހުން ހުއްޓުވައި ހަށިގަނޑާއި ފޭރާން ބަލައި ފާސްކުރުމުގެ ބާރަކީ އެންޓި-ކޮރަޕްޝަން ކޮމިޝަނަށް (އޭސީސީ) ލިބިގެންވާ ބާރެއްތޯ ނުވަތަ އެއީ ހަމައެކަނި ފުލުހުންނަށް އޮންނަ ބާރެއްތޯ؟

އޭސީސީން އިސްތިއުނާފުކުރުމަށް ހުށަހަޅާފައިވާ 3 އަމުރުގެ ތެރެއިން ބަލައި ފާސްކުރުމަށް ނެރުއްވި 2 އަމުރު ރަނގަޅުކަމަށް ނިންމެވި. ހުއްޓުވާ ބަލައި ފާސްކުރުމަށް ނެރުއްވި އަމުރު ބާޠިލްކުރެއްވި. 3 އަމުރާމެދުވެސް ނިންމަވާފައިވަނީ މިއޮފީހުން އެދުނުގޮތަށް.