2017/HC-A/13

ކްރިމިނަލް ކޯޓުން، ތަޙްޤީޤު ނިމި ގިނަ ދުވަސްތަކެއް ބަންދުގައި ހުރުމުން އިތުރަށް ބަންދުގައި ބަހައްޓަން ނުފެންނަ ކަމަށް ކަނޑައަޅައި، ޕާސްޕޯޓު ހިފެހެއްޓުން ހުއްދަކޮށް ރާއްޖެއިން ފުރުން މަނާކޮށް ޝަރުޠުކޮށް ބަންދުން ދޫކޮށްލިއެވެ.

ސީރިޔާގައި ހިނގަމުންދާ ހަނގުރާމައިގައި ބައިވެރިވުމަށް ރާއްޖެއިން ފުރައިގެން ދިޔަކަމުގެ ތުހުމަތުގައި ބަންދުގައިވާ ފަރާތެއްގެ ބަންދު އިތުރުކުރަން ފުލުހުން އެދުނެވެ. ތަޙްޤީޤު ނިމި މައްސަލަ ޕްރޮސިކިއުޓަރ ޖެނެރަލްގެ އޮފީހަށް ފޮނުވާފައިވެއެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ އަމުރަކީ ޤާނޫނުއަސާސީގެ 143 ވަނަ މާއްދާގެ (ރ) އާ ޚިލާފަށް ނެރުނު އަމުރެއް ކަމަށެވެ.

ޓެރަރިޒަމްގެ ތުހުމަތުގައިވާ ފަރާތެއް ތަޙްޤީޤު ނިމި ގިނަ ދުވަސް ބަންދުގައި ހުރުމުން، ރާއްޖެއިން ފުރުން މަނާކޮށް ޝަރުޠުކޮށް ބަންދުން ދޫކޮށްލި ކްރިމިނަލް ކޯޓުގެ އަމުރަކީ ޤާނޫނުއަސާސީގެ 143 ވަނަ މާއްދާގެ (ރ) އާ ޚިލާފު އަމުރެއްތޯ.

އިސްތިއުނާފު ބާޠިލް، ދަށުކޯޓުގެ އަމުރު ޤާއިމް

ބަންދާމެދު ގޮތެއް ނިންމުމުގެ ބާރު ލިބިދީފައިވަނީ ފަނޑިޔާރަށެވެ. ހެކިތަކާއި މައްސަލައިގެ ވަށައިގެންހުރި ކަންކަމަށް ބަލާއިރު، ފުރުން މަނާކޮށް ޝަރުޠުކޮށް ދޫކޮށްލުމަކީ ޤާނޫނުއަސާސީގެ 143 ވަނަ މާއްދާގެ (ރ) އާ ޚިލާފު ކަމެއް ނޫނެވެ.