2017/HC-A/126

"ކޯޓުން އަންގާ ގޮތަށް ޢަމަލު ނުކުރުމުން" ކަމަށް ބަޔާންކޮށް ކްރިމިނަލް ކޯޓުން އޭނާ ބަންދުން ދޫކޮށްލުމަށް އަމުރުކުރެއްވިއެވެ.

އިސްތިއުނާފު ރައްދުވާ ފަރާތާއި އިތުރު މީހަކު ބައިވެރިވެގެން، ހޮސްޕިޓަލަކުން ވަރކްވިސާގެ ބޭނުމަށް މެޑިކަލް ޗެކަޕް ހަދާ މީހުންގެ ލެބޯޓަރީ ރިޕޯޓް އޮޅުވާލާކަމަށް ތުހުމަތުކުރެވުނެވެ. ފުލުހުން (MF/156412) ބަންދަށް އެދުނީ ހެކި ނައްތާލާފާނެތީ، ފިލާފާނެތީ އަދި މުޖުތަމަޢުގެ ސަލާމަތަށް ހުރަސް އެޅިދާނެތީއެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ، އަމުރު ނެރުއްވާފައިވަނީ ޤާނޫނުއަސާސީގެ 49 ވަނަ މާއްދާއާއި ބަންދާބެހޭ ޤަވާޢިދުގެ 7 ވަނަ މާއްދާގައިވާ އުޞޫލަށް ރިޢާޔަތްނުކޮށް ކަމަށެވެ.

މަކަރާއި ހީލަތުގެ ތުހުމަތުގައި ބަންދުކުރެވިފައިވާ ބޭރުގެ ރައްޔިތަކު ބަންދުން ދޫކޮށްލުމަށް ކްރިމިނަލް ކޯޓުން ނެރުއްވި 145-J/MD/2017/1223 އަމުރު، ޤާނޫނުއަސާސީގެ 49 ވަނަ މާއްދާއާއި ބަންދާބެހޭ ޤަވާޢިދުގެ 7 ވަނަ މާއްދާގައިވާ އުޞޫލުތަކަށް ރިޢާޔަތްކޮށް ނެރުއްވާފައިވޭތޯ.

ކްރިމިނަލް ކޯޓުގެ އަމުރު ބާޠިލު؛ 15 ދުވަހަށް ބަންދުގައި ބެހެއްޓުމަށް އަމުރުކުރި

ތުހުމަތުކުރެވޭ މީހާ ތަޙުޤީޤުގައި އިޢުތިރާފުވެފައިވާއިރު އަދި އިންޑިއާގެ ރައްޔިތެއްކަމަށްވާއިރު، އޭނާ ދޫވެފައިހުރުމަކީ ފިލާފާނެކަމުގެ އިޙްތިމާލު އޮތްކަމެއްކަމުން، ދަށުކޯޓުގެ އަމުރަށް ބަދަލު ގެންނަންޖެހޭކަމަށް ފެނުނެވެ.