ޕްރޮސިކިއުޓަރ ޖެނެރަލްގެ އޮފީސް ވ. އިބްރާހީމް ރަޝީދު

ޤާނޫނުއަސާސީގެ 46 ވަނަ މާއްދާ

- ޖިނާއީ ކުށެއްގެ ތުހުމަތުގައި މީހަކު ހައްޔަރުކުރެވޭނީ:

1. ހައްޔަރުކުރާ މީހާއަށް ކުށެއް ކުރަނިކޮށް ފެންނަ ހިނދު ނުވަތަ މީހަކު ކުށެއް ކޮށްފިކަމަށް ނުވަތަ އެވަގުތަކު އެ އުޅެނީ ކުށެއްކުރަން ކަމަށް ބުއްދިއަށް ޤަބޫލުކުރެވޭ އެކަށީގެންވާ ސަބަބުތަކެއް /ހެކިތަކެއް ހުރެގެން.

2. ކޯޓުގެ އަމުރަކުން ހައްޔަރުކުރުމަށް ހުއްދަ ލިބިގެން.

ދިވެހިރާއްޖޭގެ ފަނޑިޔާރުންގެ ޤާނޫނުގެ 12 ވަނަ މާއްދާ

- ފަނޑިޔާރުކަމުގެ މަސްއޫލިއްޔަތު އަދާކުރުމުގެ ތެރޭގައި ޖިނާއި ކުށެއް ކޮށްފިކަމުގެ ތުހުމަތުކުރެވިގެން ފަނޑިޔާރަކު ހައްޔަރުކުރުމުގައި ފަނޑިޔާރުންނަށް ލިބިދެވޭ އިމްތިޔާޒުތައް ބަޔާންކުރަނީ މި މާއްދާގައިކަން.

- ފަނޑިޔާރަކު ކުށެއް ކުރަނިކޮށް ހިފާ ހައްޔަރުކުރާ ޙާލަތުގައި މި މާއްދާގައި ބަޔާންވެގެންވާ އިމްތިޔާޒު ފަނޑިޔާރަށް ލިބެންނުޖެހޭކަން.

ހެކީގެ ނިސްބަތް

-  ހައްޔަރުކުރެވޭ އިރު ހެކި ހުންނަންޖެހޭ މިންވަރަކީ ޝަރީޢަތަށް ކުށް ސާބިތުކުރެވޭ މިންވަރެއް ނޫންކަން. ތުހުމަތުކުރެވޭ ކުށް އެމީހަކު ކުރިކަމަށް ތުހުމަތުކުރެވޭ ނުވަތަ ބެލެވޭ މިންވަރަށްކަން. އެއީ މި މަރުޙަލާއަކީ ހެއްކާއި ޤަރީނާ އެއްކޮށް ދަޢުވާކުރުމުގެ މަރުޙަލާ ފެށުމަށް ތައްޔާރުވާ މަރުޙަލާއަށްވާތީކަން.

އެކަށީގެންވާ މުއްދަތުގައި ބަންދުގެ މުއްދަތާ ގުޅޭ މައްސަލަތައް ނިންމުން

- ކުށުގެ ތުހުމަތުގައި ބަންދުކުރެވޭ މީހުންގެ ބަންދާމެދު ދަށު މަރުޙަލާގެ ކޯޓުތަކުން ނިންމާ ނިންމުންތަކާ ގުޅިގެން އިސްތިއުނާފީ ދަޢުވާތައް ކަނޑައެޅޭ ވަކި މުއްދަތެއްގެ ތެރޭގައި ނިންމުމަށް އިސްތިއުނާފީ ކޯޓުތަކަށް ލާޒިކުރެވޭނީ ޤާނޫނަކުންކަން.

- މިބާވަތުގެ މައްސަލަތައް ނިންމުމުގައި މައްސަލަތަކުގެ ޚުޠޫރަތްތެރިކަމަށް ބަލައި އެކަށީގެންވާ މުއްދަތެއްގެ ތެރޭގައި ނިންމުމަށް ބާރު އަޅަންވާނެކަން.