2016/HC-A/522

އޭނާގެ ސެޓްފިކެޓް މޯލްޑިވްސް މެޑިކަލް ކައުންސިލުން ބަލައިގެންފައިވަނީ މާސްޓަރސް ލެވެލްގެ ގޮތުގައި ކަމުން އޭނާއަކީ CS16-2 އަށް ޝަރުޠު ހަމަވާ ފަރާތެއް ނޫން ކަމަށް ބަލައި، ޓްރައިބިއުނަލުން ޝަކުވާ ބަލައިނުގަތެވެ.

އައިޖީއެމްއެޗްގެ ކޮންސަލްޓަންޓް އިން ކާޑިއޮލޮޖީގެ މަޤާމަށް ބަދަލުކުރިއިރު، ސިވިލް ސަރވިސް ކޮމިޝަނުން ޑރ. ޢަބްދުލް ޢަޒީޒް އަޙްމަދު ހަމަޖެއްސީ CS16-2 ގެ ބަދަލުގައި CS15-1 ގައެވެ. އޭނާ CS16-2 ގެ ވަޒީފާއާއި ގުޅުންހުރި މުސާރައާއި އެލަވަންސް ހޯދުމަށް ޓްރައިބިއުނަލަށް ޝަކުވާ ހުށަހެޅިއެވެ.

އިސްތިއުނާފުކުރި ފަރާތުން ބުނީ ނިންމުމަކީ ވަޒީފާގެ އޮނިގަނޑާއި ޤާނޫނުއަސާސީގެ ހަމަހަމަކަމުގެ އުޞޫލާއި ސިވިލް ސަރވިސްގެ ޤާނޫނާ ޚިލާފު، ހެކި ވަޒަންކުރުމުގައި ވަކި ފަރާތަކަށް ބުރަވެފައިވާ، ޓްރައިބިއުނަލްގެ ޤަވާޢިދުގެ 13 ވަނަ މާއްދާއާ ޚިލާފު ނިންމުމެއް ކަމަށެވެ.

ޑޮކްޓަރަކު ޙާޞިލްކުރި ކާޑިއޮލޮޖީ ސަނަދު މޯލްޑިވްސް ކޮލިފިކޭޝަން އޮތޯރިޓީން ލެވެލް 10 ގެ ގޮތުގައި ބަލައިގަނެފައިވާއިރު، މޯލްޑިވްސް މެޑިކަލް ކައުންސިލުން މާސްޓަރސް ލެވެލްގެ ގޮތުގައި ބެލުމަށް ބުރަވެ، ސިވިލް ސަރވިސް ކޮމިޝަނުން އޭނާ CS16-2 ގެ ބަދަލުގައި CS15-1 ގައި ހަމަޖެއްސުމަކީ ސްޕެޝަލިސްޓް މެޑިކަލް ޕްރެކްޓިޝަނަރުންގެ ވަޒީފާގެ އޮނިގަނޑާ އެއްގޮތްތޯ.

ވަޒީފާއާބެހޭ ޓްރައިބިއުނަލްގެ ނިންމުން ބާޠިލު، CS16-2 ގެ ވަޒީފާ ހަމަޖައްސައި މުސާރައާއި އެލަވަންސް ދިނުމަށް އަމުރުކުރި

ސެޓްފިކެޓްތަކުގެ ގިންތި ކަނޑައެޅުމުގެ ބާރު ހަމައެކަނި ލިބިގެންވަނީ ކޮލިފިކޭޝަން އޮތޯރިޓީއަށް ކަމާއި، އެ އޮތޯރިޓީން ލެވެލް 10 ގެ ގޮތުގައި ބަލައިގެން ސެޓްފިކެޓެއްގެ ގިންތި ނަފީކުރާނެ ހަރުދަނާ ޙުއްޖަތެއް ސިވިލް ސަރވިސް ކޮމިޝަނުން ހުށަހަޅާފައި ނުވާތީ، އޭނާއަކީ CS16-2 ގެ މިންގަނޑު ފުރިހަމަވާ ފަރާތެއްކަމަށް ބެލުނެވެ.