2015/HC-A/257

ސިވިލް ކޯޓުން (1148/Cv-C/2014) މާލެއަށް ނިސްބަތްވާ އެހެން ޢާއިލާތަކަށް ދިން ބީދައިން ހުޅުމާލެއިން ގޯއްޗެއް ނުވަތަ ފްލެޓެއް 7 މަސްދުވަހުގެ ތެރޭގައި ދިނުމަށް ސަރުކާރަށް އަންގައި، އެދުނު މާލީ ބަދަލުގެ މިންވަރަށް ހެކި ނެތުމުން އެކަމާމެދު ގޮތެއް ނުނިންމައި ޙުކުމްކުރިއެވެ.

ދިރިއުޅުމަށް ސަރުކާރުން ދޫކުރި ގޯއްޗެއްގައި ޢިމާރާތްކޮށް ދިރިއުޅެމުން ދިޔަ ރަށެއް 2011 ގައި ފަޅުރަށަކަށް ހަދައި (ދިފާޢީ ބޭނުމަށް ދީ)، ރައްޔިތުން ބަދަލުކުރިއިރު، ރައްދުވި ފަރާތުގެ ގޯއްޗާއި ޢިމާރާތަށް ބަދަލު ނުދީ ހުރުމުން، ދައުލަތުގެ މައްޗަށް ބަދަލު ހޯދުމަށް ދަޢުވާކުރިއެވެ.

އެޓަރނީ ޖެނެރަލްގެ އޮފީހުން ބުނީ، ޙުކުމް ވަޒީރުންގެ މަޖްލީހުން ފާސްކުރި އުޞޫލާ ޚިލާފު ކަމަށާއި، ދަޢުވާގައި ނޭދޭ ކަމަކަށް ޙުކުމްކުރި ކަމަށާއި، ހެކި ވަޒަނުނުކުރާ ކަމަށާއި، ޝަރުޢީ އަގުކުރުމާބެހޭ ޤަވާޢިދާއި ޝަރީޢަތްކުރުމާބެހޭ ޤަވާޢިދާ ޚިލާފު ކަމަށެވެ. ރައްދުވި ފަރާތުން ބުނީ، މާލޭގައި ބިން ހުރި ފަރާތަކަށް ވެސް ހުޅުމާލެއިން ފްލެޓް ދީފައިވާ ކަމަށެވެ.

ފަޅުރަށަކަށް ހަދާފައިވާ ރަށެއްގައި ދިރިއުޅުނު ފަރާތަކަށް، އެ ރަށުގެ ގޯއްޗާއި ޢިމާރާތުގެ ބަދަލުގައި ހުޅުމާލެއިން ގޯއްޗެއް ނުވަތަ ފްލެޓެއް ދިނުމަށް ސިވިލް ކޯޓުން ކުރި ޙުކުމް، ވަޒީރުންގެ މަޖްލީހުން ފާސްކުރި އުޞޫލުގެ ޝަރުޠުތަކަށް ބަލާއިރު ޞައްޙަތޯ.

ބައެއް ބަދަލުކުރި (ހުޅުމާލެއިން ގޯއްޗެއް ނުވަތަ ފްލެޓެއް ދިނުމަށް އަންގާފައިވާ ބައި ބާޠިލު)

އުޞޫލުގެ ދަށުން ހުޅުމާލެއިން ހައުސިންގ ޔުނިޓް ލިބެނީ މާލޭގައި 500 އަކަފޫޓަށްވުރެ ބޮޑު ބިމެއް ނެތް ފަރާތްތަކަށް ކަމުން، އަމިއްލަ ނަމުގައި އެފަދަ ބިމެއް ހުރި ރައްދުވި ފަރާތަށް އެ ޙައްޤު ނުވާނެ ކަމަށާއި، މިސާލަކަށް ދެއްކި ފަރާތާ ތަފާތު ކަމަށާއި، ނަމަވެސް ޢިމާރާތާއި ތަކެއްޗަށް ޢަދުލުވެރި ބަދަލެއް ދިނުން ދައުލަތަށް ލާޒިމްވާނެ ކަމަށް ކަނޑައަޅައި، ފްލެޓް/ގޯތި ދިނުމުގެ ބައި ބާޠިލުކުރިއެވެ.