އާމިނަތު ޢައްޒާ ވ. އައިލެންޑަރސް އެޑިއުކޭޝަން ޕވޓ ލޓޑ

ނޯޓިސް ދީފައިނުވާތީ 3 މަސްދުވަހުގެ ނޯޓިސް ފައިސާ 24,108 ރުފިޔާ މުވައްޒަފު ކުންފުންޏަށް ދައްކަން ވަޒީފާއާބެހޭ ޓްރައިބިއުނަލުން ނިންމިއެވެ.

2 އަހަރުގެ އެއްބަސްވުމެއްގެ ދަށުން އެސިސްޓެންޓް ޓީޗަރެއްގެ ވަޒީފާގައި ހުރި މުވައްޒަފު، ނޯޕޭ ޗުއްޓީއަށް އެދި، ނުދެވޭނަމަ ވަކިކޮށްދިނުމަށް އެދި ސިޓީ ފޮނުވައި 3 މަސްދުވަހުގެ ނޯޓިސް ނުދީ ވަޒީފާއިން ވަކިވިއެވެ.

މުވައްޒަފު ބުނީ ނޯޓިސް ޤަވާޢިދުން ދީފައިވާ ކަމަށާއި، މުވައްޒަފު ދޭންޖެހޭ ނޯޓިސް މުއްދަތު ވަޒީފާދޭ ފަރާތުން ކަނޑައެޅުމަކީ ވަޒީފާއާބެހޭ ޤާނޫނުގެ 22 (ހ) އާ ޚިލާފު ކަމަށެވެ.

މުވައްޒަފު ވަޒީފާއިން ވަކިވުމުގައި އެއްބަސްވުމުގެ 3 މަސްދުވަހުގެ ނޯޓިސް ދީފައިވޭތޯ، އަދި މުވައްޒަފު ދޭންޖެހޭ ނޯޓިސް މުއްދަތު އެއްބަސްވުމުގައި ކަނޑައެޅުމަކީ ވަޒީފާއާބެހޭ ޤާނޫނުގެ 22 (ހ) އާ ޚިލާފު ކަމެއްތޯ.

އިސްތިއުނާފު ބާޠިލު، ޓްރައިބިއުނަލުގެ ނިންމުން ޤާއިމް

ސިޓީއަކީ ނޯޓިހެއް ނޫންކަމާއި، 22 (ހ) އަކީ ވަޒީފާދޭ ފަރާތުގެ ނޯޓިހުގެ މާއްދާއެއްކަމާއި، މުވައްޒަފުގެ ނޯޓިސް ޝަރުޠަކީ ޤާނޫނާ ޚިލާފު ޝަރުޠެއް ނޫންކަމަށް ކަނޑައަޅައި ނިންމުން ޤާއިމްކުރިއެވެ.