ޢަބްދުالله ސުލައިމާން ވ. ްރާހީމް ރިޔާޟް

ހެނބަދޫ މެޖިސްޓްރޭޓް ކޯޓުން އެ ބަހަކީ އަބުރު ނަގައިލުމަށް ބުނި ބަހެއްކަމަށް ކަނޑައަޅައި 5000 ރުފިޔާގެ ބަދަލު ދިނުމަށާއި، އެބަސް މާނަ އޮޅޭގޮތަށް ބުނިކަން ރަށުގެ ގިނަބަޔަކަށް އެނގޭނެހެން ބުނުމަށް އެންގިއެވެ.

ރަށުގެ ސިވިލް ސަރވިސް މުއައްސަސާތަކުގެ ޒިންމާދާރު ވެރިއަކު ސުކޫލުގެ ޕްރިންސިޕަލް ދިމާލަށް، މުވައްޒަފުންގެ ކުރިމަތީގައި، އޭނާ އަންހެން މުވައްޒަފަކަށް ގޯނާކޮށްފައިވާކަމަށް ބުނުމުން، އަބުރާބެހުމުގެ ބަދަލު ހޯދުމަށް ޕްރިންސިޕަލް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ބަހަކީ އަބުރާބެހޭ ބަހެއްކަން ކަނޑައަޅާފައި ނުވާކަމަށާއި، ބުނި ވާހަކަ ތެދުކަމަށާއި، އެއީ ޚިޔާލު ފާޅުކުރުމުގެ މިނިވަންކަމުގެ ތެރެއިން ބުނި ބަހެއްކަމަށާއި، ގަވާއިދުގެ ދަށުން ނަގައިދެވޭނީ މާލީ ބަދަލު އެކަނިކަމަށާއި، ހެކިންނަކީ ދަޢުވާކުރާ ފަރާތުގެ މުވައްޒަފުން ކަމަށެވެ.

އަބުރާބެހުމުގެ ދަޢުވާއެއްގައި ބަދަލު ނަގައިދިނުމުގެ ކުރިން ބުނި ބަހަކީ އަބުރާބެހޭފަދަ ބަހެއްކަން ކަނޑައަޅަންޖެހޭތޯ، ޚިޔާލު ފާޅުކުރުމުގެ މިނިވަންކަމުގެ ދިފާޢު، ހެކިންގެ ޤަބޫލުކުރެވުން، އަދި އަބުރާބެހުމުގެ ގަވާއިދުގެ ދަށުން މާލީ ބަދަލު ފިޔަވައި ބަސް ރައްދުކުރުމަށް އެންގުމުގެ ބަދަލެއް ނަގައިދެވޭނެތޯ.

ބައެއް ބަދަލުކުރި (ބަދަލު 5000 ރުފިޔާ ޤާއިމް، ބަސް ރައްދުކުރުމަށް އެންގި ބައި ބާޠިލު)

ހައިކޯޓުން ފާހަގަކުރީ ދަށުކޯޓުން ބަހަކީ އަބުރާބެހޭ ބަހެއްކަން ކަނޑައަޅާފައިވާކަމާއި، ތެދުކަމާއި ޚިޔާލުފާޅުކުރުމުގެ ދިފާޢު ސާބިތުނުކުރެވޭކަމާއި، ހެކިން މުވައްޒަފުންނަށް ވުމަކީ ހެކިބަސް ރައްދުކުރެވޭނެ ސަބަބެއް ނޫންކަމާއި، ނަމަވެސް ގަވާއިދުގެ ދަށުން ނަގައިދެވޭނީ މާލީ ބަދަލު އެކަނިކަމުން ބަސް ރައްދުކުރުމަށް އެންގި ބައި ބާޠިލުކުރަންޖެހޭކަމެވެ.