ޢަބްދުﷲ ނަޘީފް ވ. ޕްރޮސިކިއުޓަރ ޖެނެރަލް

ކްރިމިނަލް ކޯޓުން (1028/Cr-C/2011) ޤާނޫނު ނަންބަރު 1/81 ގެ 88 ވަނަ މާއްދާގެ (ރ) ގެ ދަށުން މެރުމަށް ޙުކުމްކޮށް، ހައިކޯޓުން (2017/HC-A/369) އެ ޙުކުމަށް ތާއީދުކުރިއެވެ. ސުޕްރީމް ކޯޓުން (2020/SC-A/72) ކުށްވެރިކަމަށް ތާއީދުކޮށް، 9/2014 ގެ 110 ވަނަ މާއްދާގެ (ރ) ގެ ދަށުން ތަޢުޒީރީ އަދަބު ކަނޑައެޅުމަށް ކްރިމިނަލް ކޯޓަށް ތަޙުވީލުކުރުމަށް ހައިކޯޓަށް ޙަވާލުކުރިއެވެ.

ޤަސްދުގައި މީހަކު މަރާލުމުގެ ކުށުން ކުށްވެރިކޮށް، ވާރިސުން ޤިޞާޞް ހިފަން އެދުނުކަމަށް ބުނެފައިވާތީ މަރުގެ ޙުކުމް ކުރެވުނު މައްސަލައެއްގައި، ސުޕްރީމް ކޯޓުގައި މަރުވި މީހާގެ ހުރިހާ ވާރިސުން ޙާޟިރުވެ ކުށްވެރިޔާއަށް މަޢާފުދިނެވެ.

ދެފަރާތުންވެސް ފާހަގަކުރާނެ އިތުރުކަމެއް ނެތްކަމަށް ބުނެފައިވެއެވެ.

ސުޕްރީމް ކޯޓުން ހައިކޯޓަށް ޙަވާލުކުރި ޤަސްދުގައި މީހަކު މަރާލުމުގެ މައްސަލައެއްގައި، މަރުވި މީހާގެ ވާރިސުން މަޢާފުދީފައިވާތީ ތަޢުޒީރީ އަދަބު ކަނޑައެޅުމަށް މައްސަލަ ކްރިމިނަލް ކޯޓަށް ތަޙުވީލުކުރުން.

ތަޢުޒީރީ އަދަބު ކަނޑައެޅުމަށް ކްރިމިނަލް ކޯޓަށް ތަޙުވީލުކުރި

މިއީ ހައިކޯޓުން މައުޟޫޢުގައި ގޮތެއް ކަނޑައަޅަންޖެހޭ ޤަޟިއްޔާއެއް ނޫންކަމަށާއި، ސުޕްރީމް ކޯޓުން ކަނޑައަޅުއްވާފައިވާ ގޮތުގެމަތިން އަދަބު ކަނޑައެޅުމަށް ކްރިމިނަލް ކޯޓަށް ތަޙުވީލުކުރަންޖެހޭކަމަށެވެ.